Talía leva Foucellas a Zas

A compañía galega Talía Teatro presenta este sábado, 17 de decembro, ás 21:00 h. no Auditorio Municipal de Zas o seu último espectáculo, ‘Foucellas’. Toño Casais, Dani Trillo, María Ordóñez e Artur Trillo dan vida á historia do famoso maquis galego, na que ficción, mito e realidade se mesturan para nos propoñer unha reflexión sobre un momento único e determinante da nosa historia.