Blog

Talía achegará o teatro aos escolares da Pobra do Caramiñal o próximo venres, 17 de febreiro. O cine Elma da Pobra acollerá a montaxe da obra máis popular da compañía galega, Bicos con lingua, que será representada nun único pase ás 12 h. Así mesmo, o venres 24 de febreiro os alumnos do IES Isaac Díaz Pardo de Sada poderán disfrutar tamén desta montaxe na Casa da Cultura da vila.

A compañía de teatro levará o sábado 11 de febreiro ao espazo porriñés dúas das súas obras: Valentino Rufini e Âkil Pillabán de viaxe a Milán (e van sen un can) e Bicos con lingua

Toño Casais, Marta Lado, María Ordóñez, Rubén Prieto, Diego Rey, Marta Ríos, Artur Trillo e Dani Trillo protagonizan unha das obras máis relevantes do teatro contemporáneo. Dirixida por Roberto Salgueiro, a montaxe estrearase no Pazo da Cultura de Narón con dous pases: o venres 3 e sábado 4 de marzo.

A compañía de teatro levará a escena os días 16 e 17 de xaneiro no Salón Teatro de Santiago de Compostela dúas das súas obras máis aclamadas: Bicos con lingua e Pelos na lingua. Ás representacións asistirán máis de un millar de escolares procedentes de 18 centros de ensino de toda Galicia.

Talía presenta Foucellas o sábado 17 de decembro ás 21 h. no Auditorio de Zas.

Toño Casais, Dani Trillo, María Ordóñez e Artur Trillo interpretan a historia do famoso maquis galego, na que ficción, mito e realidade mestúranse para propor unha reflexión sobre a xestión da derrota e da esperanza. A obra, escrita e dirixida por Candido Pazó, presentarase no Auditorio Municipal de Ribeira este venres, 9 de decembro, ás 21:30 h e na Casa da Cultura de Oliveira, en Dumbría, o sábado 10 ás 21 h.

A compañía galega Talía Teatro presenta o próximo sábado, 3 de decembro, ás 19 h. no Auditorio Municipal de Padrón o seu último espectáculo, Foucellas, que afonda na historia do famoso maqui galego. O luns, 5 de decembro, presentarán aos escolares da localidade o seu espectáculo infantil Xango, unha divertida reflexión sobre o uso das novas tecnoloxías na sociedade actual.

A novena edición do Culturgal, a Feira das Industrias Culturais de Galicia, terá lugar no Pazo de Cultura de Pontevedra os días 2, 3 e 4 de decembro. Talía contará cun stand propio no que informará aos asistentes sobre os seus últimos proxectos escénicos.

O próximo domingo 27 de novembro Talía representará no Centro Sociocultural de Laraño a súa obra infantil “Rosa Caramelo e outras historias”. A función enmárcase dentro do ciclo “12 doces de outono”, unha proposta da concellería de Acción Cultural do Concello de Santiago que levará o teatro e a gastronomía aos centros socioculturais do municipio.

O próximo domingo 20 de novembro Talía representará en Valladolid a súa obra infantil “Rosa Caramelo e outras historias”. A función enmárcase dentro da XVIII edición dos Encontros TE VEO, adicados ao teatro infantil e xuvenil, que este ano centran as súa programación na muller e o seu rol dentro da arte e a educación