O vindeiro venres 3 e sábado 4 de marzo estrearemos no Teatro Rosalía de Castro da Coruña o noso último espectáculo Unha inimiga do Pobo. A dramaturxia de Tito Asorey e Vanesa Sotelo trae o clásico de Henrik Ibsen aos nosos días. Baixo a dirección de Tito Asorey un marabilloso elenco: Marta Lado, Dani Trillo, Toño Casais, Marta Ríos, María Ordóñez, Rubén Prieto, Diego Rey, Xurxo Barcala e Artur Trillo. E para completar o equipo artístico: Dani Trillo na escenografía, Laura Iturralde na iluminación, Martina Cambeiro no vestiario e maquillaxe, Manu Abraldes no espazo sonoro e Rubén Prieto na fotografía e vídeo.